對於好多人嚟講，電影音樂可能係最容易接觸同接受管弦樂嘅管道。相對於古典音樂嚟講，電影音樂因為係同畫面作相輔相成，會比較容易令觀眾理解當中嘅意境，或者可以話係比較「易入喉」。但我覺得好嘅電影音樂，係本身已經可以塑造到個意境出嚟，淨聽音樂已經令觀眾畫到個草圖出嚟，畫面係為依個草圖填返啲色彩同細節，而 James Horner 嘅電影音樂就做到依點。

頭先喺荃灣大會堂聽咗 Dirk Brosse 指揮港樂演繹 James Horner 嘅經典作品。講真，入面有啲電影我都未睇過，但從音樂當中我已經可以感受到套戲大概會係點。而港樂亦可以將依種音樂中嘅張力同意境好好咁表達出嚟。 荃灣大會堂係我其中一個最喜歡嘅表演場地，除咗因為近我屋企之外，仲因為我覺得佢係香港最好聲嘅音樂廳之一，而管弦樂就更能發揮佢嘅聲學優勢。如果見到荃灣大會堂有古典音樂嘅演出，真心唔好錯過。