2023 年陳奕迅隻 CHIN UP! 推出時，當時我冇咩感覺，亦冇買到 CD 版，後來喺串流聽咗就覺得幾精彩，喺近年香港歌手嘅「專輯」開始淪為 Single Collection 嘅時候，依隻碟就成為少數仍然由頭到尾都有完整主題嘅專輯，依點相信同全碟由林家謙作曲同監製有關。我好欣賞入面啲歌詞對於人生唔同情況下嘅描寫，聽完有種釋懷嘅感覺。依隻黑膠版早兩個月時推出，見到佢冇寫住係 “Abbey Road Studio remaster” 就放心入手😆音質方面的確 OK 唔差，聲音嘅動態同細節都保持到，背景雜聲亦十分少。而且包裝製作精美，本歌書同畫冊都印得好靚，而又仍然維持喺黑膠嘅正常尺寸。當然依隻碟依家已經暫時冇貨同炒緊，就睇吓環球會唔會有機會再印多批。