Walter Carlos (後來名為 Wandy Carlos) 嘅 Switched-On Bach 被喻為係第一隻將電子音樂帶去主流嘅專輯。雖然係 1968 年嘅作品，但當中嘅音樂風格卻一直影響到起碼八十年代嘅電子音樂都有佢嘅影子。依隻唱片用 Moog 合成器演繹巴哈嘅作品，聽落我覺得有種好溫暖、cosy 嘅感覺，從中感覺到佢係好想嘗試令冰冷嘅電子樂器產生人性化嘅聲音，依個亦係我會覺得依隻碟十分超時代嘅原因。

如果你想睇完依個post 之後即刻喺串流搵嚟聽，可能會令你失望，因為佢唔想自己嘅作品喺串流平台出現。但由於依隻碟嘅銷量相當驚人，要搵返黑膠並唔困難。我依隻日版黑膠幾個月前幾十蚊買返嚟，狀態非常好，包裝仲要比其他版本明顯精美得多。如果你鍾意電子音樂的話，依隻碟係點都要有嘅代表作。