開業廿多年嘅 AV Hospital 因為老闆「院長」Alan 退休，將會在今年內結業。佢哋嘅結業清貨開始咗幾個月，好多好嘢已經清晒，但都畀我見到啲漏網之魚，就係依條 Ortofon DGI-K2 Silver USB 線，依條線用純銀 + 鍍銀線芯，製作上都幾高水準。現時 AV Hospital 嘅所有線材都有半價優惠，依條 1M 折扣後七百幾蚊，同喺日本買嘅價錢非常接近，相當合理。

將依條線駁喺 MacBook Pro 同 Eleven Audio K DAC 之間，雖然中間都係隔住個 Apple 原裝 USB C 轉 A adapter，但同黑雞 USB 線比都係有可聞提升，最主要係聲音更清晰、線條感更明確，同時聲音嘅密度亦高咗。論聲音水準的話都係相當高水準嘅 USB 線。

AV Hospital 預計做到 11 月 15 號，而且佢哋亦仲有好多款線係有特價現貨，有興趣都可以去睇吓，但上去前就最好喺 Facebook PM 問吓佢哋幾點開門。