頭先去咗尖沙咀銀聲聽吓 Klipsch La Scala 喇叭。依款喇叭雖然歷史悠久，但之前一直未有機會試聽。今次用咗 Phasemation 嘅單端 300B 膽合併 amp 推動，雖然只有9W 功率，但推動效率超過 100dB 嘅 La Scala 綽綽有餘，播放大爆棚嘅 Peer Gynt Suite 交響樂都係從容不迫。雖然佢係上古時代嘅喇叭設計，但聲音嘅瞬變反應仍然係相當爽快，只係高低頻延伸比現代嘅大型喇叭差啲。

以前一直覺得依種舊式全號角喇叭嘅聲音會係比較粗糙，但依套系統聽落又唔覺粗聲，當然用膽推本身都會略為柔化聲音細節嘅稜角，但就算我坐得比較接近喇叭，都唔會覺得中頻及高頻有明顯侵略感。有機會的話都想聽吓其他大型號角喇叭系統呢。